Килсе ҫитрӗ Ҫӑварни!
Ҫӑварни— хӗл ӑсатни,
Ҫуркунне килме тухни!
Килсерен икерч пиҫет,
Ҫу ҫинче питне сӗрет.
Хӗвел евӗр илӗртет,
"Ҫийӗр мана, ҫийӗр!"--тет.
Ҫуркунне хыпаланать,
Сивӗ хӗле хӑвалать.
Сивви каять, пытанать,
Ҫӑварнирен пит хӑрать.
Хеллерен уйрӑличчен,
Ҫуна ҫулӗ пӗтиччен
Лаша кӳлсе тухар-и?
Каттаччине чупар-и?
Чечек евӗр хӗрӗсем,
Ҫыхӑр хитре тутӑрсем.
Сарӑ пурҫӑн ҫӳҫелли,
Хӑвӑр пекех илемли!
Ах, Ҫӑварни, Ҫӑварни!
Савнӑҫпа уяв эрни!
Икӗрчӗпе сӑйланар,
Выляр, кулар, савӑнар!
vk.com
